ستیہ پال آنند (24 اپریل 1931ء – 2 اگست 2025ء) ہندوستانی اردو، ہندی، انگریزی اور پنجابی زبان کے ادیب اور شاعر تھے۔

حالات زندگی

ستیہ پال آنند 24 اپریل 1931ء کو کوٹ سارنگ، تحصیل تلہ گنگ، ضلع چکوال، صوبہ پنجاب (برطانوی ہند) میں پیدا ہوئے۔ والدہ ودیا ونتی پنجابی زبان کی شاعرہ اور سکھ اسکالر تھیں۔ والد رام نارائن آنند ہندو مذہب کے پیروکار تھے۔ ان کے آبا و اجداد کا تعلق ہندوؤں کی ایک شاخ ککھرائن سے تھا۔ رام نارائن آنند پیشے کے اعتبار سے وکیل تھے اور نوشہرہ میں اپنی پیشہ ورانہ خدمات انجام دیتے تھے۔ پرائمری تعلیم کوٹ سارنگ کے سرکاری اسکول سے حاصل کی۔ میٹرک ا امان مشن ائی اسکول راولپنڈی س اس کیا۔ تقسیم ہند کے بعد وہ خاندان کے ہمراہ لدھیانہ چلے گئے۔ اُن کی مادری زبان پنجابی ہے، ایم اے انگریزی میں پنجاب یونیورسٹی چندی گڑھ سے کیا، اعلیٰ تعلیم کے لیے انگلستان گئے اورپہلی ڈاکٹریٹ کی ڈگری حاصل کی، ان کے مقالے کا عنوان تھا "Changing concept of the nature of reality and literacy techniques of expression” ستیہ پال آنند نے دوسرا ڈاکٹریٹ ٹرینیٹی یونیورسٹی، ٹیکساس سے فلسفے میں کیا۔ ڈاکٹر سَتیہَ پَالؔ آنند کا کہنا تھا کہ انھوں نے 13 مختلف جامعات میں انگریزی ادب پڑھایا۔ اب امریکا میں مستقل قیام ہے، لکھتے ہیں، پڑھتے ہیں اور شاعری کرتے ہیں۔ ڈاکٹر سَتیہَ پَال کو انگریزی اور اردو کے علاوہ عربی، فارسی، ہندی، بحور، چھند جیسی دیگر زبانوں پر بھی عبور حاصل ہے۔ اسی حوالے سے وہ تقابلی ادب کے اچھے استاد تصور کیے جاتے ہیں۔ ڈاکٹر آنند نے 1957میں پرومیلا آنند سے شادی کی ان کے دو بیٹے پراموڈ اور سچن ہیں۔

علمی و ادبی اعزازات

ڈاکٹر ستیہ پال آنند کو ان کی علمی و ادبی خدمات پر اعزازات سے بھی نوازا گیا، جواہر لعل نہرو فیلو شپ، اردو مرکز ایوارڈ، لاس اینجلس اور حکومت پنجاب، بھارت کی جانب سے Shiromani Sahityakar Award سے نوازا گیا تھا۔

تصانیف

ڈاکٹر سَتیہَ پَالؔ آنند کی تصانیف میں اردو، انگریزی اور ہندی کی کتب شامل ہیں۔

مجموعہ کلام

• دل کی بستی
• دست برگ
• پھول پھول نظم
• وقت لاوقت
• شہر کا ایک دن
• تتھاگت نظمیں
• جو نسیم خندہ چلے
• میرے اندر ایک سمندر
• لہو بولتا ہے
• مجھے نہ کر وِداع

خودنوشت

• کتھا چار جنموں کی

مختصر کہانیاں

• جانے کے لیے
• اپنے مرکز کی طرف
• دل کی بستی
• اپنی اپنی زنجیر
• پتھر کی سلیب۔ ناول
• آہٹ
• چوک گھنٹا گھر
• عشق موت اور زندگی
• شہر کا ایک دن

ہندی مطبوعات

• یوک کی آواز
• پینٹر باوری
• آزادی کی پکاربھوری
• دل کی بستی
• چوک گھنٹہ گھر
• گیت اور غزلیں

پنجابی

• سویر دوپہر شام
• مکھو مٹھا
• غزل غزل دریا
• غزل غزل ساگر
• غزل غزل لہر

انگریزی

• Life’s a jtale
• Some shallow
• ssome deep
• sunset Starands
• If Winter Comes
• One Hundred Buddhas* A Vagrant Mirror and The Dream Weaver

وفات

ستیہ پال آنند 2 اگست 2025ء کو ٹورانٹو، کینیدا میں 94 برس کی عمر میں وفات پا گئے۔