دلاور فگار پاکستان سے تعلق رکھنے والے اردو زبان کے نامور مزاحیہ شاعر، نقاد اور ماہر تعلیم تھے۔ ان کا اصل نام دلاورحسین تھا۔

پیدائش

دلاور فگار 8 جولائی، 1929ء کوبدایوں، میں پیدا ہوئے۔ انھوں نے ہندوستان کے سب سے بڑے صوبے اتر پردیش (یو پی) کے مشہور و معروف مردم خیز قصبے بدایوں کے ’حمیدی صدیقی‘ خاندان میں ماسٹر شاکر حسین کے گھر آنکھ کھولی۔ والد مقامی اسکول میں استاد تھے۔

تعلیم

انھوں نے اپنی ابتدائی تعلیم بدایوں میں حاصل کی۔ اس کے بعد انھوں نے آگرہ یونیورسٹی سے ایم اے (اردو) کی ڈگری حاصل کی۔ اس کے علاوہ انھوں نے ایم اے (انگریزی) اور ایم اے (معاشیات) کی اسناد بھی حاصل کیں۔ 1968ء میں کراچی ہجرت کر کے ائے۔

ملازمت

اپنی پیشہ ورانہ زندگی کا آغاز انھوں نے بھارت میں درس و تدریس سے کیا۔ تقسیم ہند کے بعد پاکستان آ گئے اور کراچی میں مستقل سکونت اختیار کی۔ وہ یہاں کے عبداللہ ہارون کالج میں بحیثیت لیکچرار کچھ عرصے تک اردو پڑھاتے تھے۔ اس وقت فیض احمد فیض یہاں کے پرنسپل ہوا کرتے تھے۔ کچھ عرصہ اسسٹنٹ ڈائریکٹر، ٹاؤن پلاننگ کے طور پر (کراچی ڈیولپمنٹ اتھارٹی) کے ڈی اے سے بھی وابستہ رہے۔

شاعری

دلاور نے شعر گوئی کا آغاز 14 برس کی عمر میں 1942ء میں کیا۔ انھیں مولوی جام نوائی بدایونی اور مولانا جامی بدایونی نامی اساتذہ کی رہنمائی ملی تھی۔

تصانیف

• حادثے (1954ء)
• ستم ظریفیاں (1963ء )
• شامتِ اعمال (جون 1964ء)
• آداب عرض
• عصرِ نو
• انگلیاں فگار اپنی
• مطلع عرض ہے
• خدا جھوٹ نہ بلوائے
• خوشبو کا سفر
• آئینہ راغب
• چراغِ خنداں
• خوب تر کہاں
• آبشارِ نور
• فی سبیل اللہ
• صلہ شہید کیا ہے؟
• کہا سنا معاف کرنا

وفات

21 جنوری 1998ء کو دلاور فگار کا انتقال ہو گیا۔ انھیں کراچی کے پاپوش نگر کے قبرستان میں آسودہء خاک کیا گیا۔

اعزازات

حکومت پاکستان نے ان کی وفات کے بعد انھیں صدارتی تمغہ حسن کارکردگی "(Pride of performance) عطا کیا تھا۔